aise sare khwab likhugi  
jo na poore ho pae 
zindagi me na sahi 
kagaz par rang bikherungi 
apna apna badla hai ye 
likhna koi likhna hai 
kuchh hain tumhari yaaden bas  
kuchh dard bas apna hai 
sare din vo likhna hai  
jab tumko maine yaad kiya 
par nahi tumhara naam liya 
sari baaten likhnaa hai 
jo tum se main na kah paai 
sari raaten likhni hain  
jab sari raat na so paai 
par jo likhdun to kya hoga 
tum to isko padhte nahi 
sare log hi padhte hain  
bas ik tumko maaloom nahi 
ik din vo himmat bhi karungi  
tumko yahan bulaaungi 
sara likha phir tum bhi padhna 
main door kahin chhup jaaungi 
tum jab tak aawaz na doge  
paas nahi main aaungi 
kagaz par likhte likhte ab  
dil hai mera bhar sa gaya 
tum aao to rang bharenge  
ham kaagaz ke bahar bhi...


~~~~~~~~~~~~~~~~~~~~~~~~~~~~~~~~~~~~~~~~~~~~~~~
Written By Tabassum Shakeel!
Copyrights reserved to www.shayeri.net & writer!
~~~~~~~~~~~~~~~~~~~~~~~~~~~~~~~~~~~~~~~~~~~~~~~