dabbe paanv se meri aur roz do kadam barhati hei
voh mujhse mere armaano ko roz chinn jaati hei

mei roz datt kar ladne ko khadi ho jaati hu ush se
roz aa ke voh mere iraado pe kuch muskurati hei

roz naya hosla mei khoj laati hu khud ko dene ko
aur roz voh mere hoslo par paani pher jaati hei

dil ke khun se rangoli sajaa kar jabh bulati hu ushe
toe ched ke mera munh mudd kar chali jaati hei

khel ajeeb ajeeb se mere saath voh khelti hei kyun
jaane kis gunaah ki sazaa roz mujhe sunaati hei

andhero mei mere sirhaane beth hasti hei voh roz
ujaalo mei mere saath saaya ban chali aati hei

voh mere kaandhe sirr rakh kar kabhi roti bhi hei
aur kabhi duur mujhse ho kar mujhe rulaati hei

kabhi uske aane ka darr aur kabhi uske jaane ka
kabhi mujhe chein naseeb nahi hone de paati hei

voh meri saheli bhi he aur mujhe dushmani bhi hei
voh milne aati hei roz aur bin mile chali jaati hei

mei tadap rahi hu jish se milne ko betaab nigho se
ish duniya mei voh jaane kyun maut kahi jaati hei

~~~~~~~~~~~~~~~~~~~~~~~~~~~~~~~~~~~~~~~~
Written By Ritu Roy - Copyright Reserved
Written On - 24th April 2008 - 9:20 PM Thursday
~~~~~~~~~~~~~~~~~~~~~~~~~~~~~~~~~~~~~~~~