Andhe ki aankho mei sapne hei, aur aankh wale sapne dekhna bhul gaye
Langda jayega marathon daudne, aur paanw wale fursat nikalna bhul gaye

Vakt ki ish mara maari mei, aur kaamiyaabi ka shikhar paane ki daud mei
Kitne hi samajdaar logg na samaji se, rishto ka saath nibhana bhul gaye

Kuch paane ki be-imtihaan chahat, aur kuch kar dikhane ka dil me jazbaa
Bas yahi bann gaya zindagi ka maksad, aur baaki waade nibhana bhul gaye

Roz mil aate hei sehar ki bheed mei basse, hazaro anjaan chehro se hum
Ghar pe teri hi aas mei jeeti, bhudhi aankhon ke intazaar se milna bhul gaye

Sapno ko paa lene ki ish daud mei, janha jeeta hei har sakhs raftaar mei
Titli ke paro ki sundarta aur indradhunsh ke rang, insaan dekhna bhul gaye

Tu tham aaj mere dost, aur kuch pal khud ke saath bita, kar khud se baat
Baith kar kanhi akele soch, zindagi ke kitne hasin pal tum jeena bhul gaye

~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Written By Ritu Roy - Copyright Reserved
Written on 29th March 2008 - Saturday 11:40 PM
~~~~~~~~~~~~~~~~~~~~~~~~~~~~~~~~~~~~~~~~~~~~~~~~