Aaj kisiki dosti ne dil ko chuu liya, kisi ek ki baat nahi kar rahu hu, mei aaj baat kar rahi hu apne unn purane doston ki jinki, duriyo ke barhne aur vakt ke guzarne ke baad bhi na dosti kam hui hei aur na hi fikar. Voh aaj bhi pehle ki tarah mere baare mei sochte hei, bhale hi hum sabh duniya ke alag alag kone mei baste ho, aaj bhi meri har pareshani mei voh sabh mere saath hei. Unn doston keliye aaj dil se kuch sabd phool bann kar nikal rahe hei... jinhe mei yanha unn sabh ke parhne keliye aur unhe sukhriya kehne keliye likh rahi hu!!

Jinki kismat mei chaand sitaare hote hei
Unhi ke dost itne pyaare hote hei

Hum toe dosti pe haar gaye zindagi sari
Aisse dost dil ke tarane hote hei

Jo dosti se barh kar nibhate hei saath
Voh dost nahi kuch faristey hote hei

Khuda ne jinko khushi ke badle diya hei
Soccho voh dost kitne anmol hote hei

Nibhate hei jo saath ban ke humsaya
Voh rishto se barh kar apne hote hei

Written on Friday 7th December 2007 - 1:42 PM Indian Time

~~~~~~~~~~~~~~~~~~~~~~~~~~~~~~~~~~~~~~~~~~~~~~~
Written By Ritu Roy!
Copyrights reserved to www.shayeri.net & writer!
~~~~~~~~~~~~~~~~~~~~~~~~~~~~~~~~~~~~~~~~~~~~~~~