Teri ish pyaari si muskaan pe koi kavita likhu
Ya teri inn nanhi si aankho pe koi ghazal likhu

Phool ki patti se komal tere labbo ko kya kahu
Ek kavita se dil na bharega kitni baatein likhu

Tere ish komal se mann mei kitni saari lehre hei
Mann karta hei ek ek lehar lehar par unwaad likhu

Koyal ki kunk phiki hei teri ek kilkaari par
Teri ish chanchalta pe kitni kitni taarif likhu

Tu aankhe na chalkaaya kar mausam ro padta hei
Eei Khuda ki anmol duwa tujpe kya kya mein likhu

~~~~~~~~~~~~~~~~~~~~~~~~~~~~~~~~~~~~~~~~~~~~~~~
Written By Ritu Roy!
Copyrights reserved to www.shayeri.net & writer!
~~~~~~~~~~~~~~~~~~~~~~~~~~~~~~~~~~~~~~~~~~~~~~~