Jo tera na ho sakaa e dil ushe apna ke, kya karega
Jo bhul raha hei tujhe ushe yaaad kar ke, kya karega

Fasane dil ke nahi hote he duniya ko batane keliye
Tu inn fasano pe likh ke kitaab-e-dil, kya karega

Zindagi fanaa ho gayi aur laash apni roshan he
Jalti huyi chingaariyon ko abh bujaa ke, kya karega

Adhure lamhe saakh se phool ban kar gir gaye
E dil abh sukhe huve darkhat ko hilaa ke, kya karega

Waado pe chadh gaye hei jooth ke kafan saaki
Abh inn mei base chehre pehchan ke, kya karega

Justju ko dafan kar do ya nashe mei hi jalaa do
Inn irado ki samaa jalaa kar bataa e dil, kya karega

Vo jo jaa chuka vo tha guzarte huve vakt ki maanid
Bite vakt keliye abh tu palke bicha ke, kya karega

Jo huva ushe bhul ja yahi samaj ki tera naseeb tha
Saans ruuk gayi hei toe abh zindagi le ke, kya karega

Sambhal jaa abh toe mere dil-e-naadan bahot huva
Itni raate ashqo ki aag mei jalaa jalaa ke, kya karega

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Written By Ritu Roy - Copyright Reserved
Written On 4th October 2008 - 10:48 PM Saturday
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~