Mann mei ho laakho gam, muskurana accha lagta hei
Sehne pade sekdo sitam, dil lagana accha lagta hei

Yunh toe duniya mei bharosa kisi pe kar sakte nahi
Phir bhi kisi anjaane ko, apna banana accha lagta hei

Gamo se ho chuki hei humari rishtedaari ish kadar
Apne dil mei basake gam, phir jite jana accha lagta hei

Sadiyaan beet gayi jabh dil se honth tak hasi aayi ho
Par bas yunhi dil behlane, muskurana accha lagta hei

Tod doge waada-e-wafa tum bhi humei yahi umeed he
Par phir bhi jaane kyun, sapne sajana accha lagta hei

Pagal dil ki paagal umeedo ko pankh lagati hei 'Ritu'
Apne dil mei apne haathon, aag lagaana accha lagta hei

Nadaan dil ki na samji se ho jaati hei galtiyaan kabhi
Inn galtiyon se humei khud ko parkhna accha lagta hei

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Written By Ritu Roy - Copyright Reserved
Written On 21st June 2008 - 11.20 AM Saturday
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~