Garbh guha ke bheeter ek zindagi muskurai,

nanhe nanhe haath pawn pasaare..........

aur nanhe hotho se fir muskurai,

sochne lagi ki main bahar kab aauangi,

jiske andar main rehti hun, usko kab" ma" keh kar bulangi,

kuch badi hokar uske sukh -dukh ki saathi ban jauangi..

kabhi "pita" ke kandho per kabhi "dada" ke kandho per chad jauangi.

apni nanhi nanhi baato se sabka man bahaluangi.......

Nani mujhse kahani kaheagi, dadi lori sunaagi,

Bua, masi toh mujhpe jaise balahari jayangi......

Beti hun toh kya hua kaam woh kar jauangi,

Sabka naam roshan karuangi, ghar ka gaurav kahlauangi,

Per....

Yeh kya sun kar mera nanaha hirdaye kampkpaaya,

Ma ka hridaye kathore hua kaise,ek Pita yeh faisla kaise kar paya.............

"ladki "hun na is liye janam lene se pehele hi Nanha phool Murjayaa..............

~~~~~~~~~~~~~~~~~~~~~~~~~~~~~~~~~~~~~~~~~~~~~~~
Written By Ranju Bhatia!
Copyrights reserved to www.shayeri.net & writer!
~~~~~~~~~~~~~~~~~~~~~~~~~~~~~~~~~~~~~~~~~~~~~~~