aaj mujhe apne pyaar ki sab nadaniyaan yaad hai
teri khomoshiyaan aur apni ankahi baate yaad hai

teri aankho mein dekha hai maine apne khawabo ko palte hue
aaj mujhe tera un sapno se aankhe churana yaad hai
ki thi humne aankho se baate bahut,
per keh na sake apni juban se un baato ko
apne dono ke beech woh tharai hui khomoshiyaan yaad hain

tum toh bhul chuke hoge woh mohabbat ki sab baate.n
per mujhe aaj bhi meri ek jhalak dekhene ke liye
tera woh apni gali mein aana yaad hai..........

woh apni pyaari si mulakaat,
labo per khomoshi,aur the dil mein machle hue jajbaat
na kaha tumne kuch ,na kaha maine kuch.....
per aaj bhi woh tere haatho ka apne haatho ko thapthapaana yaad hai

kiye they hamne kai vaade ,ankahe se apni aankho se
dekha thaa ek duje ko kai baar pyaar bhari nazaro se
tum toh bhul gaye woh apni pyaar ki sogaate...
per mujeh aaj bhi woh apni pehli mohabbat ka geet suhana yaad hai

raat bhar ki thee jo hamne mohabbat ki baate
woh tera chedna ,aur mera sharma jaana.
mujeh aaj tak sharm se apne gaalo.n ka surkh ho jaana yaad hai

aate they mere pass tere kai khali khat
mehakte woh khushboo se bahre woh khat
na jaane karte they kitne baate woh mujhse
mujhe aaj bhi un khato ki mehak mein gum ho jaana yaad hai
tere khali khato ko woh ghanto pad ke muskarna yaad hai...........
c ~~~~~~~~~~~~~~~~~~~~~~~~~~~~~~~~~~~~~~~~~~~~~~~
Written By Ranju Bhatia!
Copyrights reserved to www.shayeri.net & writer!
~~~~~~~~~~~~~~~~~~~~~~~~~~~~~~~~~~~~~~~~~~~~~~~