jo dil ke haalaat hai, kaise unko samjhaayein
bade ajab jazbaat hai, kaise unko samjhayein

pehle yeh mausam na the, yaa fir aise hum na the
beshaq khushiyaan kam thi par, aise to ghum na the
hum dil ko kya batlaayein, koi humko samjhaaye
bade ajab jazbaat hai, kaise unko samjhayein

aisa bhi haasil hai kya, jo qaraar kho diyaa
kisi ne chhookar humko,nayaa hi beej bo diya
kuchh to hum bhi samjhe, to kuchh unko keh paayein
bade ajab jazbaat hai, kaise unko samjhayein

wo guzre hai raahon se, mere bhi saaye ujle hai
aake baharein gayee nahi, rang bhi saare pighle hain
jab mujhe ho jaaye yakien, tab yeh khwaab na kho jaaye
bade ajab jazbaat hai, kaise unko samjhayein

~~~~~~~~~~~~~~~~~~~~~~~~~~~~~~~~~~~~~~~~~~~~~~~
Written By Prashant Shrivastav (Prash)!
Copyrights reserved to www.shayeri.net & writer!
~~~~~~~~~~~~~~~~~~~~~~~~~~~~~~~~~~~~~~~~~~~~~~~