kuchh sur bikhre huye hain
tum chalnaa zaraa samhal ke
palkein band karke sunna
yeh geet hai sab dil ke

subahaa subahaa oss se nahaake jaagi hai fizaa
dhoop ki kirno mein aanchal sukhaati hai hawaa
abhi khushboo mehakne waali hai
abhi phool khilne waale hain
pyar ke chashme se dekho naa
yeh manzar bade suhaane hain
yeh saare pyar sikha denge
pal bhar mein tumse milke
palkein band karke sunna
yeh geet hai sab dil ke

peepal ke patte roz nayee sargam sunaate hai
pedon ke panchhee nayee nayee aawaz mein gaate hai
yeh aawaazein sab meethi hain
yeh pyaar ke afsaane hai
yeh nashaa muhabbat wala hai
aur hum iske deewane hain
bas tanhaai mein milte hai
jo yeh rang hai mehfil ke
palkein band karke sunna
yeh geet hai sab dil ke

~~~~~~~~~~~~~~~~~~~~~~~~~~~~~~~~~~~~~~~~~~~~~~~
Written By Prashant Shrivastav (Prash)!
Copyrights reserved to www.shayeri.net & writer!
~~~~~~~~~~~~~~~~~~~~~~~~~~~~~~~~~~~~~~~~~~~~~~~