kisi shaayar ka armaan ho
tum hi gazal ki jaan ho
mai shaayar tumpe fidaa hoon
tum kyon bhalaa hairaan ho

baarishein hokar thami
reh gaye hai bas nami
jo chehre se zulfein hatien
ho gayee hai raushni

meri dhadkanein bhi jaanti hai
ke dil ki tum hi jaan ho
mai shaayar tumpe fidaa hoon
tum kyon bhalaa hairaan ho

subahaa jaagi neend se
khush hai tumhari deed se
saari bahaarein saj gayee
tumhaari hi ummeed pe

meri khushi ki zimmedaari
tum mujhse hi anjaan ho
mai shaayar tumpe fidaa hoon
tum kyon bhalaa hairaan ho

~~~~~~~~~~~~~~~~~~~~~~~~~~~~~~~~~~~~~~~~~~~~~~~
Written By Prashant Shrivastav (Prash)!
Copyrights reserved to www.shayeri.net & writer!
~~~~~~~~~~~~~~~~~~~~~~~~~~~~~~~~~~~~~~~~~~~~~~~