dhimi dhimi aati hai, mann ko churake le jati hai,
"aao aaj milte hai", aawaz jane kaha se aati hai,
uff ye barish hame kyu satati hai....

daude chale aate hai, barish mai hum bhigte hai,
"aap chipe kaha ho" kaheke nazre unhe dhudhti hai,
uff ye barish hame kyu satati hai....

na sirf tann bhigta hai, mann bhi aaj bhiga hai,
"chodd ke hame kyu chal diye" dil ye aaj rota hai,
uff ye barish hame kyu satati hai....

nigahe bichake baithey hai, unn raho ko dekhte hai,
"mai yahi hu naa"kaheke nazar kyu nahi aate hai,
uff ye barish hame kyu satati hai....

gili aankho se hum dhudhte rahe,aaj- kal, umarabhar,
"mai tere sath hu naa" thaa ye vishwas jeevan bhar,
uff ye barish hame kyu satati hai....

phool ki chaddar mai soye hai, chupkese woh dekhte hai,
"mai tere dil mai rahu sada" kaheke woh muskurate hai,
uff ye barish hame kyu satati hai....

rok sake naa aaj aansuko hum, chilla ke aaj lo kahete hai,
"hame aap se pyaar hai"socho kaise akele hum yaha jite hai,
uff ye barish hame kyu satati hai.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~
Written By Khushi !
Copyrights reserved to www.shayeri.net & writer!
~~~~~~~~~~~~~~~~~~~~~~~~~~~~~~~~~~~~~~~~~~~~~~~