Rang dar rang hum ne bikhraye bohaot magar tasweer adhoori thi
Aangan mein gul kitne he thae magar buu-e-gul adhoori thi

Us dildar ki aankh mein kho kar har lafz ko maayene mile
Usse pehle sochoon to jaise har baat adhoori thi

Shama jali, hawa chali, umeed-o-khuwahishon ki mehfil saji
Mere sukhanwar bina magar meri sab raatein adhoori thi

Koi na-mukammal sa khuwab ho jaise uska milna, bichar jana
Chaand pa kar mehsoos hua kyuun sitaron ki kashish adhoori thi

Waqt ki dehleez pe beithe tanha sadaayein dete reh gaye
Kaise batayein humari har shaam, har subha kitni adhoori thi

Koi kali akeli sehra mein, jaise tanha baadal aasman mein
Meri zindagi, meri zaat uske beghair adhoori thi

~~~~~~~~~~~~~~~~~~~~~~~~~~~~~~~~~~~~~~~~~~~~~~~
Written By Khayal!
Copyrights reserved to www.shayeri.net & writer!
~~~~~~~~~~~~~~~~~~~~~~~~~~~~~~~~~~~~~~~~~~~~~~~