Waqt guzarta jaata hai par yaadein dil-o-zehen mein kaayam rehti hain..choti se choti baat bhi us kami ka ehsaas dila jaati hai..kabhi yeh yaad udaasi ke taraane ched jaati hai aur kabhi yeh ek halki si hasi banke hoton pe cha jaati hai.
---------------------------------------

Mast hawa ke jhoke jab aanchal mera hilaa jayenge
shaakhon par chehchahate panchi jab gaayenge
humko bhi woh tab kuch aur yaad ayenge....

raat mein taare jab aasmaan mein tim timaayenge
chaand ki kirno se jab sagar jhilmilayenge
humko bhi woh tab kuch aur yaad ayenge.....

shehnaii ki meethi goonj me jab saaye sharmayenge
shamiaane ke neeche jab dil gungunayenge
humko bhi woh tab kuch aur yaad ayenge......

khamosh mehekti raaton me jab aashiq miljayenge
pyaar ke teeron se jab libaas chil jayenge
humko bhi woh tab kuch aur yaad ayenge....

waqt ke is tez daud me jab apne saath chod jayenge
maazi ke dastak se jab ehsaas mehek jayenge
humko bhi woh tab kuch aur yaad ayenge........!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~
Written By Farhana!
Copyrights reserved to www.shayeri.net & writer!
~~~~~~~~~~~~~~~~~~~~~~~~~~~~~~~~~~~~~~~~~~~~~~~