aaya hay yeh waqt har naam per
zamana roota hay iss anjaam per

do gazz kapray mein liptaa paraa
karay afsoos guzray ayyaam per

guzari zindagi be khauf-o-khatar
aaj daraay hay apnay kaam per

kal tak tha jo naam khoob roshan
shama na jalegi kal uss naam per

na liya kisi ka sahara zindagi mein
hain char kandhe iss mukaam per

jo thay uss kay humsafar, aaj woh
daal k mitti chalay apne kaam per

ghup andhera iss tung qaber mein
naa hi koi roshni dar-o-baam per

do din aanso bahayegi yeh duniya
zindagi se haaray iss nakaam per

hona hay fana is zindagi ko Amaan
na kar naaz tu apnay kalaam per

~~~~~~~~~~~~~~~~~~~~~~~~~~~~~~~~~~~~~~~~~~~~~~~
Written By Aman Jee!
Copyrights reserved to www.shayeri.net & writer!
~~~~~~~~~~~~~~~~~~~~~~~~~~~~~~~~~~~~~~~~~~~~~~~