maana main banda ek purtaqseer hoon
gunnahaaon se bhari ek tasveer hoon

na chal paya sirat-e-mustaqeem per jo
bud se bhara, murda ek zameer hoon

ta-umar buraaiyoon mei hay guzri jiski
khuaish-e-nafs se uljhi ek zangeer hoon

kari hay haqtalfi, cheeni hain musaratein
aaj kushi se mehroom ek taqdeer hoon

jaanay kitno ko dhutkaara hay main ne
teray dar pe khara aaj ek faqeer hoon

ubhaar de mujh ko apnay karam se k
daldal mein phansaa ek shareer hoon

mauf kar mujhe apne habeeb k sadqay
unki ummat se bandhi ek zangeer hoon

reham, nazr-e-karm ho roz-e-mehshar
duniya mein tu ibrat ki ek tasheer hoon

nahi koi mera, mangta hoon teri Amaan
maana main banda ek purtaqseer hoon

~~~~~~~~~~~~~~~~~~~~~~~~~~~~~~~~~~~~~~~~~~~~~~~
Written By Aman Jee!
Copyrights reserved to www.shayeri.net & writer!
~~~~~~~~~~~~~~~~~~~~~~~~~~~~~~~~~~~~~~~~~~~~~~~