~~~~~~~~~~~~~~~~~~~~~~~~~~~~
Ghazals By Gulzar!
~~~~~~~~~~~~~~~~~~~~~~~~~~~~

aa.Nkho.n me.n jal rahaa hai kyuu.N bujhataa nahii.n dhuua.N

aa.Nkho.n me.n jal rahaa hai kyuu.N bujhataa nahii.n dhuua.N
uThataa to hai ghaTaa saa barasataa nahii.n dhuaa.N

chuulhaa nahii.n jalaaye yaa bastii hii jal ga_ii
kuchh roz ho gaye hai.n ab uThataa nahii.n dhuaa.N

aa.Nkho.n se po.nchane se lagaa aa.Nch kaa pataa
yuu.N cheharaa pher lene se chhupata nahii.n dhuaa.N

aa.Nkho.n se aa.Nsuo.n ke maraasim puraane hai.n
mehamaan ye ghar me.n aaye.n to chubhataa nahii.n dhuaa.N


~~~~~~~~~~~~~~~~~~~~~~~~~~~~
mai.n apane ghar me.n hii ajanabii ho gayaa huu.N aa kar

mai.n apane ghar me.n hii ajanabii ho gayaa huu.N aa kar
mujhe yahaa.N dekhakar merii ruuh Dar gaii hai

saham ke sab aarazuue.N kono.n me.n jaa chhupii hai.n
lave.n bujhaa dii hai.napane cheharo.n kii, hasarato.n ne

ki shauq pahachanataa hii nahii.n
muraade.n dahaliiz hii pe sar rakh ke mar gaii hai.n

mai.n kis vatan kii talaash me.n yuu.N chalaa thaa ghar se
ki apane ghar me.n bhii ajanabii ho gayaa huu.N aa kar

(Few More By Gulzar could be seen in Album by Jagjit Singh - Section!)

~~~~~~~~~~~~~~~~~~~~~~~~~~~~

~~~~~~~~~~~~~~~~~~~~~~~~~~~~
Collection: No Rights Reserved!
webmaster@shayeri.net
(If you have more ghazals for the same category you can email me!)
~~~~~~~~~~~~~~~~~~~~~~~~~~~~