~* Javed Akhtar *~ dard ke phuul bhii khilate hai.n bikhar jaate hai.n zaKhm kaise bhii ho.n kuchh roz me.n bhar jaate hai.n us dariiche me.n bhii ab ko_ii nahii.n aur ham bhii sar jhukaa_e hu_e chup-chaap guzar jaate hai.n raastaa roke kha.Dii hai yahii ulajhan kab se ko_ii puuchhe to kahe.n kyaa ki kidhar jaate hai.n narm aavaaz bhalii baate.n mohazzab lahaje pahalii baarish me.n hii ye rang utar jaate hai.n